dauðadómur á Íslandi?

Ef ég skil thetta rétt þá á ad fara ad halda hluta réttarhaldana hér, réttarhalda sem gætu endað í dauðadómi. Viljum við (íslendingar) að maður verði dæmdur til dauða "að hluta til" á Íslandi? Eg segi að þeir finni þessu einhvern annan stað.

Hugsanlegt að hluti morðréttarhalds fari fram á Íslandi

Athugasemdir

[Vilhjálmur Andri Kjartansson (IP-tala skráð) 25.4.2007 kl. 18:37]

Fólk hefur verið dæmt til dauða á Íslandi

[Egill Skallagrímsson, 25.4.2007 kl. 18:54]

já fyrir að stela snæri eda galdra t.d.

[Addi (IP-tala skráð) 25.4.2007 kl. 19:27]

Hmmm... Já við skulum endilega finna þessu annan stað... Ég er alveg viss um að þeir eru að gera það gamni sínu að koma hingað. Það vill bara svo skemmtilega til að morðið var framið hér... það er kannski ástæðan?  Hugsa, fólk.

Ef það skyldu finnast einhverjir fleiri sem er í alvörunni vilja "finna þessu annan stað" í fáfræði sinni, þá væri kannski reynandi að hringja í Bændahöllina og sjá hvort þeir þar eru ekki fáanlegir til að neita kviðdómendum og fleirum um gistingu. Það yrði nú eftir því, annað eins hefur víst gerst.

[Egill Skallagrímsson, 25.4.2007 kl. 19:50]

þetta snýst ekki um fáfræði. Þetta snyst um það að bendla Ísland á engan hátt við dauðarefsingar, en morðið var framið á bandarísku yfirráðasvæði sem er ekki lengur til staðar og réttarhöldin yrðu því á íslensku yfirráðasvæði eða partur af þeim og því yrði það hugsanlegasta það síðasta sem hersetunni fylgdi að maður yrði dæmdur til dauða á íslandi. Hafa verður í huga að ég greinarhöfundur er að fara með sjónarmiðið út í öfgar svo ég hafi eitthvað um þetta að segja.

[Kári (IP-tala skráð) 25.4.2007 kl. 20:44]

Einn áhugaverður punktur:
Ef af þessu yrði, og maðurinn dæmdur til dauða, myndu þá þessi réttarhöld eða a.m.k. sá hluti þeirra sem fram færi hér á landi, ekki teljast morðsamsæri samkvæmt íslenskum lögum?
Réttarhöldin myndu jú væntanlega vera alfarið á vegum Bandarískra dómsmálayfirvalda, og ekki hafa neina formlega sérstöðu samkvæmt íslenskum lögum umfram hvern annan fund eða samkomu.

Kveðja, Kári

[Geiri (IP-tala skráð) 25.4.2007 kl. 21:04]

Viltu frekar að morðingi verði dæmdur saklaus?

 Finnst eins og fólk eigi að mæta í réttarhöld og segja satt frá óháð því hvaða skoðanir þau hafa á mögulegum dómum.

[Kári (IP-tala skráð) 25.4.2007 kl. 21:23]

Ef út í það er farið, já þá vil ég frekar að sekur maður sleppi við refsingu, heldur en að hann verði drepinn.
Hinsvegar skiptir auðvitað engu máli hvað ég vil, heldur hvernig þetta lítur út samkvæmt íslenskum lögum.
Það er rétt að ég taki það fram að ég er ekki löglærður, og eftirfarandi er því aðeins það sem að ég *held* að sé rétt:
1. Verknaðurinn sem verið er að dæma fyrir var framinn á varnarsvæðinu meðan gamli varnarsamningurinn var enn í fullu gildi.
2. Mér skilst að samkvæmt þeim samningi hafi varnarsvæðið talist "Bandarískt land" hvað alla lögsögu snertir.
3. Verknaðurinn kemur því íslenskum yfirvöldum og dómstólum ekki við.
4. Ef hluti réttarhaldanna yrði haldinn hér á landi, þá væri það gerningur sem ekki hefði neina lögformlega þýðingu hér á landi, enda réttarhöldin öll með Bandarísku sniði, og dæmt samkvæmt Bandarískum lögum.
5. Ef maðurinn yrði síðan sekur fundinn, dæmdur til dauða og dóminum fullnægt, þá mætti færa fram rök fyrir því að sá hluti réttarhaldanna sem hér var haldinn hafi verið samsæri um morð, bæði vegna þess að dauðarefsing er ekki í gildi hér á landi, og vegna þess að Bandaríski dómstóllinn hafði enga lögsögu hér á landi.
6. Það eina sem ég sé í fljóti bragði að mæli gegn þessari röksemdafærslu er að dómurinn yrði að öllum líkindum kveðinn upp og honum framfylgt í Bandaríkjunum, og þar hefur Ísland auðvitað enga lögsögu.

Kveðja, Kári.

[Egill Skallagrímsson, 25.4.2007 kl. 21:40]

einmitt út af þessu sem kári sagði vil ég að þeir geri þetta bara heima hjá sér en ekki með annan fótin á Íslandi. Er reyndar á móti því að þeir drepi hann heima hja sér, en það er annað mál og reyndar aðeins eitt af mörgum málum sem mættu fara á annan veg í Land of the free home of the brave.

[Kristján Sig. Kristjánsson (IP-tala skráð) 25.4.2007 kl. 23:39]

Varnarsvæðið var og er íslensk lögsaga, þó mátti hann halda rétt yfir sínu fólki en ekki refsa með dauðarefsingu á varnarsvæðinu. Komi þessi sakborningur núna inn í íslenska lögsögu sleppir ísland honum ekki út úr henni nema USA lofi að beita hann ekki dauðarefsingu. Lofi þeir því ekki verður hann eftir með ferðafrelsi á EES svæðinu, svo einfalt er það.